નમુત્થુ ણં, અરિહંતાણં ભગવંતાણં.
આઇગરાણં, તિત્થયરાણં, સયંસંબુદ્ધાણં.
પુરિસુત્તમાણં, પુરિસસીહાણં, પુરિસવરપુંડરીઆણં, પુરિસવરગંધહત્થીણં.
લોગુત્તમાણં, લોગનાહાણં, લોગહિઆણં, લોગપઇવાણં, લોગપજ્જોઅગરાણં.
અભયદયાણં, ચક્ખુદયાણં, મગ્ગદયાણં, સરણદયાણં, બોહિદયાણં.
ધમ્મદયાણં, ધમ્મદેસયાણં, ધમ્મનાયગાણં, ધમ્મસારહીણં, ધમ્મવરચાઉરંતચક્કવટ્ટીણં.
અપ્પડિહયવરનાણદંસણધરાણં, વિયટ્ટછઉમાણં.
જિણાણં જાવયાણં, તિન્નાણં તારયાણં, બુદ્ધાણં બોહયાણં, મુત્તાણં મોઅગાણં.
સવ્વન્નૂણં, સવ્વદરિસીણં, સિવમયલમરુઅમણંતમક્ખયમવ્વાબાહમપુણરાવિત્તિ
સિદ્ધિગઇનામધેયં ઠાણં સંપત્તાણં, નમો જિણાણં, જિઅભયાણં.
જે અ અઇઆ સિદ્ધા, જે અ ભવિસ્સંતિણાગએ કાલે;
સંપઇ અ વટ્ટમાણા, સવ્વે તિવિહેણ વંદામિ.
ડ્રાફ્ટ: આ પાઠની સંઘ સાથે ચકાસણી ચાલુ છે. કોઈ ભૂલ જણાય તો સંઘ કાર્યાલયને જણાવશો.