હે શંખેશ્વર સ્વામી,
પ્રભુ જગ અંતર્યામી (૨ વાર)
તમને વંદન કરીયે (૨ વાર),
શિવસુખના સ્વામી
હે શંખેશ્વર…
॥ ૧ ॥
મારો નિશ્ચય એક જ સ્વામી,
બનું તમારો દાસ (૨ વાર)
તારા નામે ચાલે (૨ વાર),
મારો શ્વાસોશ્વાસ
હે શંખેશ્વર…
॥ ૨ ॥
દુઃખ સંકટને કાપો-સ્વામી,
વાંછિત ને આપો (૨ વાર)
પાપ અમારા હરજો (૨ વાર),
શિવસુખ ને દેજો
હે શંખેશ્વર…
॥ ૩ ॥
નિશદિન હું માંગુ છું સ્વામી,
તુમ ચરને રહેવા (૨ વાર)
ધ્યાન તમારુ ધ્યાવું (૨ વાર),
સ્વીકારજો સેવા
હે શંખેશ્વર…
॥ ૪ ॥
રાત-દિવસ ઝંખું છુ સ્વામી,
તમને મળવાને (૨ વાર)
આતમ અનુભવ માંગુ (૨ વાર),
ભવ દુઃખ ટળવાને
હે શંખેશ્વર…
॥ ૫ ॥
કરુણાના છો સાગર સ્વામી,
કૃપા તણા ભંડાર (૨ વાર)
ત્રિભુવનના છો નાયક (૨ વાર),
જગના તારણ હાર
હે શંખેશ્વર…
॥ ૬ ॥