રંગાઈ જાને રંગમાં, તું રંગાઈ જાને રંગમાં..
પ્રભુવીર તણા રંગમાં, ગુરુજીતણા સત્સંગમાં
તું રંગાઈ જાને રંગમાં…
॥ ૧ ॥
આજે ભજશું કાલે ભજશું,
ભજશું મહાવીર નામ,
ક્યારે ભજશું મહાવીર નામ
જમનું જ્યારે તેડું આવશે,
લઈ જશે એના સંગમાં
તું રંગાઈ…
॥ ૨ ॥
આજે ભજશું કાલે ભજશું,
ભજશું આદિનાથ (૨ વાર)
શ્વાસ ખૂટશે.. નાડી તૂટશે,
શ્વાસ ખૂટશે.. નાડી તૂટશે,
પ્રાણ નહિ રે તારા તનમાં
તું રંગાઈ…
॥ ૩ ॥
જીવ જાણતો ઝાઝું જીવશું,
મારુ છે આ તમામ,
પહેલાં અમર કરી લઉં નામ
તેડું આવશે જમનું જાણજે (૨ વાર)
જાવું પડશે સંગમાં
તું રંગાઈ…
॥ ૪ ॥
ઘડપણ આવશે ત્યારે ભજીશું,
પહેલાં ઘરનાં કામ,
પછી જાશું તીરથધામ
આતમ એક દિન ઉડી જાશે (૨ વાર)
તારું શરીર રહેશે પલંગમાં
તું રંગાઈ…
॥ ૫ ॥