ટેક
તને રાત દિવસ હું યાદ કરું
શંખેશ્વર પારસનાથ પ્રભુ,
તારા દર્શનની હું આશ કરું,
મારા દિલની તને શું વાત કરું,
તને રાત દિવસ હું યાદ કરું…
અંતરયામી જગ વિસરામી
સહુ જીવનો તું હિતકારી,
કલિકાલ તણો છે કલ્પતરુ,
વીતરાગ વિભુ છે વિઘ્નહરું,
તને રાત દિવસ હું યાદ કરું…
॥ ૧ ॥
મોહે ઘેર્યા લોચન મારા,
કીધા નહિ મેં દર્શન તારા,
તેથી દુઃખ ભર્યું,
બહુ પાપ કરમ મુજને નડ્યું,
તને રાત દિવસ હું યાદ કરું…
॥ ૨ ॥
નીરખ્યા હશે મેં ઓ પ્રભુ તમને
સુણ્યા હશે વળી પૂજ્યા હશે ને,
પણ ચિત્તામાં ધર્યા નહિ હોય અરે
તે કારણ આપ ના પામ્યો ખરે,
તને રાત દિવસ હું યાદ કરું…
॥ ૩ ॥
હે દિનબંધુ કરુણા ના ઘર
સરણાંગતના સ્નેહ સુધાકર,
સ્વામી ભક્ત બની નમતો તુજ ને,
દુઃખ મુક્ત તુરત કરજે મુજને,
તને રાત દિવસ હું યાદ કરું…
॥ ૪ ॥