ટેક
ટીલડી રે મારા પ્રભુજી ને શોભતી
કેવી મેં તો ટીલડી ઘડાવી.
ઓ પ્રભુજી મારા… ટીલડી રે…
ટીલડી ઘડાવવા હું તો સોની ઘેર ગ્યો'તો,
સોનીડાએ ઘાટ રૂડા ઘડિયા.
ઓ પ્રભુજી મારા… ટીલડી રે…
॥ ૧ ॥
ટીલડી ઘડાવવા હું તો ઝવેરી ઘેર ગ્યો'તો,
ઝવેરીએ હીરા મોતી જડીયા.
ઓ પ્રભુજી મારા… ટીલડી રે…
॥ ૨ ॥
એવી રે ટીલડી હું તો શંખેશ્વર લાવ્યો,
શંખેશ્વરા પાર્શ્વને ચઢાવી.
ઓ પ્રભુજી મારા… ટીલડી રે…
॥ ૩ ॥
દાદા તારી ટીલડીએ સૌના મન મોહ્યા,
ભક્ત તણા અંતરિયા ખોલ્યા.
ઓ પ્રભુજી મારા… ટીલડી રે…
॥ ૪ ॥