ટેક
અમી ભરેલી નજરું રાખો,
મહાવીર શ્રી ભગવાન રે…
દર્શન આપો દુઃખડાં કાપો,
મહાવીર શ્રી ભગવાન રે…
॥ ૧ ॥
ચરણ કમળ માં શીશ નમાવું,
વંદન કરું મહાવીર રે
દયા કરીને ભક્તિ દેજો,
મહાવીર શ્રી ભગવાન રે…
॥ ૨ ॥
હું દુઃખિયારો તારે દ્વારે,
આવી ઊભો મહાવીર રે
આશિષ દેજો ઉરમાં લેજો,
મહાવીર શ્રી ભગવાન રે…
॥ ૩ ॥
તારા ભરોસે જીવન નૈયા,
હાંકી રહ્યો મહાવીર રે
બની સુકાની પાર ઉતારો,
મહાવીર શ્રી ભગવાન રે…
॥ ૪ ॥
ભક્તો તમારા કરે વિનંતી,
સાંભળજો મહાવીર રે
મુજ આંગણ માં વાસ તમારો,
મહાવીર શ્રી ભગવાન રે…
॥ ૫ ॥