ટેક
સેવક અરજ કરે છે રાજ અમને શિવસુખ આપો;
આપો આપો ને મહારાજ! અમને મોક્ષ સુખ આપો
અંતરજામી સુણ અલવેસર, મહિમા ત્રિજગ તુમારો;
સાંભળીને આવ્યો હું તીરે, જન્મ મરણ દુઃખ વારો.
સેવક…
॥ ૧ ॥
સહુ કોનાં મન વાંછિત પૂરો, ચિંતા સહુની ચૂરો;
એવું બિરુદ છે રાજ! તુમારૂં, કિમ રાખો છો દૂરે
સેવક…
॥ ૨ ॥
સેવકને વલવલતો દેખી મનમાં મહેર ન ધરશો;
કરુણાસાગર કેમ કહેવાશો, જો ઉપકાર ન કરશો
સેવક…
॥ ૩ ॥
લટપટનું હવે કામ નહીં છે, પ્રત્યક્ષ દરિશન દીજે;
ધુંવાડે ધીજ્યું નહીં સાહિબ, પેટ પડ્યાં પતીજે
સેવક…
॥ ૪ ॥
શ્રી શંખેશ્વર મંડન સાહિબ! વિનતડી અવધારો;
કહે જિનહર્ષ મયા કરી મુજને, ભવસાગરથી તારો
સેવક…
॥ ૫ ॥